KAPULISAN, MAS EPEKTIBO PA SA ILANG TAHAS SA SUPORTA NGA GIHATAG KARON SA DILG

OZAMIZ CITY, MISAMIS OCCIDENTAL - Gilauman nga mas mahimong epektibo pa sa ilang tour of duty ang kapulisan sa inanay nga pagpalambo karon sa mga kagamitan sa kapulisan.

Kini ang nahimung pahayag ni  Police Senior Superintendent Archival Macala, ang Provincial Director sa Misamis occidental nga usa sa mga asset sa PNP nga ilang gipasigarbo karon mao ang design sa bag-ong mga PNP building.

Ang design sa building nga gipangtukod karon sa partikular sa Misamis Occidental, aduna kini mga lawak nga temporaryong puy-an sa on duty nga mga Police Operative ug andam kanunay sa higayon nga adunay respondihan.

Gawas sa pagtubag sa mga nanag-unang mga panginahanglanon sa matag PNP station pinaagi sa pagpatuman sa Department of Interior and Local Government nga inanay usab nga matubag ang kakulang sa kapulisan sa matag lokalidad.