TANGUB CITY Gideklara nga state of calamity
TANGUB CITY: Gideklara karon ang dakbayan nga state of
calamity tungod sa pag-atake sa dangan nga ‘brontispa’.
Giaprobahan sa Tangub City council ang usa ka
resolution sa Committee on Agriculture nga nagdeklara sa dakbayan nga
state of calamity human giatake ang kalubian sa nasangpit nga dangan.
Sibo sa taho, ni City Agriculturist Jose Bonondo moabot
sa 40% na sa panginabuhian sa mga mag-uuma sa lubi ang
naapektuha.
Dungan usab niini giaaprobahan ang laing resolution nga
naghatag sa katungod ni Tangub City Mayor Philip Tan sa paggamit sa 30% quick
response fund gikan sa 5% sa disaster risk reduction and management fund nga
gamiton sa pagtabang sa mga mag-uuma sa lubi.
Una na usab nga mibati og kabalaka si Tan sa dihang
miabot sa 500 ektaryas sa kalubian ang naapektuhan sa dangan.
Ang kuwarta gikan sa disaster risk reduction and
management fund gamiton sa pagpalit og 906 ka sakong tambal alang sa
naapektuhan nga mga kalubian.
Nanawagan usab si Tan sa mga mag-uuma nga makigdugtong
ngadto sa ilang mga farm technicians aron ipailalom sa pagtuon unsaon pagtambal
nga mawala ang maong dangan.(BETHSER DABLO)