MOWD Magsaulog sa ika 40 nga annibersaryo
Magsaulog ang buhatan sa Misamis Occidental Water District
MOWD sa ika 40 nga annibersaryo niini karong hulyo 13 niining tuiga
Sa pakighinabi sa DXDD News team ngadto kang Ferndinand
Revelo General Manager sa MOWD gipahayag niini nga magsaulog kini sa ika 40 nga
annibersaryo karong umaabot nga hulyo 13
Alayon sa maong kasaulogan
ang MOWD naghatag ug promo nga gibasi sa board resolution 2013 nga
angayang pahimuslan sa mga katawhan ang installation fee promo nga kanhi
P2,000.00 nahimu nang P1,250 mas gipaubsan alayon sa kasaulogan sugod niadtong
hulyo 11 ug karong adlawa lamang
Sa mga konsumante usab nga naputlan ug buot mabalik niini ang
koneksyon sa tubig sugod niadtong tuig 2011 paubos mamahimu na usab kining
magpareconnect gumikan sa adunay 20% nga diskwento nga reconnection fee kon
utang o arrears pagabayran sa konsumante
diin ang maong promo nagsugod
niadtong hulyo 01 hangtud hulyo 31
Busa nanawagan ang General Manager sa MOWD sa tanan nga konsumante sa tubig sa lungsod sa
Clarin, Tudela ug Ozamiz sa pagpahimulos sa maong talagsaon nga kahigayunan
Samtang sa pikas bahin gawas sa promo alayon sa
kasaulogan sa annibersaryo sa MOWD
padayon usab nanawagan sa mga katawhan
nga nasayud sa mga illegal nga koneksyon sa tubig sa pagtaho sa ilang buhatan
arun sa ingun wala’y tubig nga mausik
Sa mga mihimu usab ug illegal nga koneksyon posibling dakung
multa ang paga-atubangon niiini sa higayun nga masakpan nga mihimu ug illegal
sa koneksyon sa tubig sa MOWD.(MFR)