KABAHO SA BASURA SA MERKADO GITAGAAN UG PAGTAGAD
Gitagaan ug pagtagad karon sa
buhatan sa Economic Enterprise
ning dakbayan ang kabaho sa basura nga moalisngaw sa public mall ning syudad
Sa pakighinabi sa DXDD News team ngadto kang Jonathan Rubio ang ECONOMIC ENTERPRISE
Manager ning dakbayan gipahayag niini nga gumikan sa daghang mga reklamo nga
ilang nadawat ngadto sa mga magpapatigayon sa merkado publiko ning syudad
mihimu kini ug aksyon arun sa ingun matagaan ug pagtagad ang maong problema
Gidugang pa ni Rubio nga taas nga panahon sa pagtuon ang
ilang gibuhat gumikan sa mga mulo sa mga magpapatigayon sa pag-alisngaw sa
basura busa ilang gi istudiohan ug
gitun-an ang maong problema ug nakita niini ang posibling epektibo nga pamaagi
arun sa ingn dili na moalisngaw ang baho sa basura
Ang unang pamaagi nga ilang nakita una nga adunay schedule panahon sa paglabay ug basura
Usa sa mga schedule sa paglabay ug basura matag alas 4 sa kadlawon ug matag alas kuatro sa hapon ug nakita niini nga dili lamang basura nga gikan sa magpapatigayon sa merkado publiko ang guilabay sa basurahan apan lakip na ang mga basura sa mga silingan nga lumolupyo sa gawas merkado ning syudad
Pasabot nga dili makalabay ug basura kun wala sa schedule o
tukmang oras kini gumikan sa aduna kini’y coral
kun ali sa panahon nga dili oras sa tinglabay kini maoy ikaduhang nakita
nga pamaagi sa economic enterprise manager arun sa ingun dili makapang-labay ug
dili mawasak ang basura sa panahon nga dili tinglabay
Gidugang pa ni Rubio nga girequire ang mga magmapapatigayon
sa merkado ning syudad nga molabay sa tukmang oras u gang pagputos ug maayo sa
nagkadaiyang mga basura sa pagsulod sa sako o cellophane arun sa ingun makuha
kini pinaagi sa koordinasyon sa taga SWMO kon Solid Waste Management
Saysay pa sa Economic ENTERPRISE Manager nga sa panahon nga
wala pa kini nabutangi ug coral o ali daghan nga mga taga merkado ang magpataka
na lamang ug labay sa ilang basura diin may panahon usab nga sundon kini ug
wasak sa mga mananap ug mga mamasura ni bisan nga gibutangan kini tigbantay sa
maong basurahan busa nahuna-hunaan nila ang pag coral sa maong basura.