COMELEC Gi-ulan ug reklamo sa mga nagparehistro sa unang adlaw sa rehistrasyon
Gi-ulan ug mga nagkadaiyang reklamo COMMISSION ON ELECTIONS (COMELEC) Ozamiz City sa unang adlaw niiini sa rehistrasyon alang sa umaabot nga Synchronized Barangay and Sangguniang Kabataan Elections
Sa gihimung pagbisita sa DXDD News team ngadto sa buhatan sa COMELEC Ozamiz City gi-ulan sa mga nagkadaiyang reklamo ug commento sa mga nagparehistro nga katawhan sa unang adlaw sa rehistrasyon
Sa pakighinabi ngadto kang Kapitan Roderick Delvo sa Brgy. Gala gipahayag niini hinay ang proseso sa unang rehistrasyon nga gihimu sa COMELEC hinungdan nga naghuot ang mga nagparehistro ilabi na ang mga SK
Samtang us aka Ginang usab ang buot mopadangat sa iyang reklamo maylabot sa gihapun sa kahinay sa pagpahigayon sa rehistrasyon
Asoy pa sa Ginang nga kapila na nagbalhin ug pagpalinya ang COMELEC mga SK nga moparehistro hinungdan hilabihan ka huot ang nagparehistro
Singot ug kaint ang naangkon sa mga nagparehistro atoll sa gihimung rehistrasyon
Kamatuoran usab niini hilabihan usab kataas ang linya sa unang adlaw sa rehistrasyon diin ang linya sa mga batan-on ug lakip ang hamtong muabot na ngadto sa 1st floor ABC BUILDING ning dakbayan kon diin nahimutag ang buhatan sa COMELEC Ozamiz City sa 2nd floor sa maong building
Kahibaloan sugod kahapung adlawa Hulyo 22 adlawng lunes nagsugod ang rehistrasyon sa mga buot magparehistro lakip na niini ang mga moparehistro alang sa SK Elections hangtud lamang kini sa Hulyo 31 adlawng miyekules
Sa impormasyon gikan sa COMELEC paspas ang ilang pagpangandam karon gumikan sa hamubo lamang nga panahon ang gihatag ngadto kanila diin napulo lamang ka adlaw ang gihatag alang sa registration lakip na niini ang pag transfer ug laing barangay ang pagpa update sa record sa COMELEC
Samtang karon adlawa usab ang ikaduhang adlaw sa rehistrasyon diin dahuman sumala pa sa COMELEC nga mas modagsa pa ang mga buot magparehistro alang sa umaabot nga Synchronized Barangay and Sangguniang Kabataan Elections
Una nang nanawagan ang COMELEC Ozamiz City sa mga katawhan lakip na ang mga kabatan-onan sa pagrehistro sa mas sayu gumikan hamubo lamang nga panahon ang gihatag sa COMELEC alang sa rehistrasyon.