Bag-ong tagdumala sa Ozamiz City Aiport adunay daghang kausaban ang pagahimuon

Daghang kausaban ang pagahimuon sa bag-ong tagdumala karon sa Ozamiz City Aiport maykalambigitan sa dugang kalambuan sa tugpahanan.

Sa pamahayag ni Celso Bayabos ang Airport Manager gipahayag niini nga daghan ang mga posibling kausaban ang pagahimuo sa iyang paghulip isip Airport Manager sukad niadtong Hulyo 12.

Si Bayabos ang nagagikan sa Zamboanga International Airport ug gibalhin sa Airport ning syudad.

Saysay pa sa Airport Manager maayo man ang iyang pagbalhin sa  ning syudad taliwala nga buot pa unta kining magpabilin sa kanhi tugpahanan nga gidumala gumikan sa atoa man didto ang iyang pamilya apan mapasalamaton sa gihapun kini nga anaa kini gi-balhin sa duol nga bahin sa Zamboanga nga mao ang Ozamis.

Usa sa mga lakang nga buot niining pagahimuon ug sulbaron ang giingung external ug internal problems sa Ozamiz City Aiport.

Una ang pagpanghinlo sa area kon  landsite gumikan sa daghan kining mga plano sa gawas ug sa sulod nga bahin sa airpot ilabi na usab ang sa gawas nga bahin ug gipaibot niini ang mga gipangtanom nga lubi sa kanhi sa OIC sa Aiport diin gidili kini basi sa  International Civil Aviation Organization airport code( standard and recommended practices) ang pagdili sa pagtanom ug lubi  duol sa airport.

Gihimu usab  niini ang pagpasulod sa  Cebu Pacific checking counter ngadto sa terminal building sa Ozamiz City Airport  gumikan sa kabahin man usab kini sa tugpahanan ning dakbayan ug angayan usab kining ipasulod.

Sa Kinatibuk-an dili na lamang kini musaad sa mga posibling proyekto nga iyng pagahimuon hinuon himuon niini ang makaayo sa mga pasahero sa airport u gang planong pagpalapad sa tugpahanan ning syudad.